dada的旅遊天空

計劃了大半年嘅旅程即將要出發啦,好興奮呀!

由於早一晚已上ANA嘅網check in, 所以即使今朝要撘09:40嘅航班經東京轉機去札幌,我地都可以8點先去到機場.

Drop off行李後,我地仲好滋油咁去delifrance食左個好豐富嘅早餐添

好,9點,要入閘啦.日本,我地又黎啦!!

o係東京等左兩個鐘左右就轉內陸機往札幌.去到札幌都成晚上8點幾,我地拿拿聲坐JR出市區check in酒店及揾食喇.

今晚住chisun hotel Sapporo,係ANA package包嘅兩晚酒店,間房好細,我地嘅中唊只可以o係廁所出面嘅走廊開,但係就要”sip吓sip吓”咁入廁所囉.

Check in完都9點幾,又唔想去太遠食,原本諗住去車站附近食拉麵共和國(其實酒店離JR站只係5-10分鐘腳程)但就有人懶得行,所以就o係酒店隔離街嘅串鳥食串燒.雖然都成9點幾但竟然都要等位,我地等左幾個字先入得去.

等食嘅時候我地覺得我地呢晚應該食拉麵,因為可以快d攪掂,唔使等佢燒咁耐.

結果成11點先食完,要快d返酒店沖涼,瞓覺啦,因為聽朝要早起身去租車呀!